Sumqayıt şəhəri 3 nömrəli şəhər xəstəxanasında baş verə biləcək təbii və texnogen xarakterli fövqəladə hadisələrlə bağlı maarifləndirmə tədbiri keçirilib. Sumqayıt24 bu haqda 18 iyun tarixində Fhn.gov.az-a istinadən xəbər verir.
FHN-in Sumqayıt Regional Mərkəzi tərəfindən keçirilən görüşdə dövlət yanğın nəzarəti xidmətinin mütəxəssisləri də iştirak edib. İştirakçılara yanğınlar, zəlzələ, torpaq sürüşməsi, sel və daşqınlar və ölkəmiz üçün xarakterik olan digər fövqəladə hadisələrlə bağlı geniş məlumat verilib. Həmçinin bu hadisələr zamanı zəruri təhlükəsizlik tədbirləri barədə ətraflı danışılıb. İlkin yanğınsöndürmə vasitələrindən istifadə qaydaları əyani şəkildə nümayiş etdirilib.
Qeyd edək ki, slaydların müşayiəti ilə edilən təqdimatlar zamanı mövzulara dair videoçarxlar da nümayiş olunub. Sonda isə verilən suallar ətraflı cavablandırılıb.
