Təhsil Tələbə Krediti Fondu 2025–2026-cı tədris ilinin payız semestri üzrə müraciətlərin qəbuluna başlayıb.
Sumqayit24.az Təhsil Tələbə Krediti Fonduna istinadən xəbər verir ki, 2025-2026-tədris ili üzrə ali təhsil pilləsinin magistratura səviyyəsinə qəbul olunmuş, həmçinin ali, orta ixtisas və peşə təhsili müəssisələrində 2-ci və daha yuxarı kurslarda təhsil alan tələbələr bu gündən ettkf.edu.az portalına daxil olaraq təhsil tələbə kreditindən yararlana bilərlər.
Magistraturaya qəbul olmuş tələbələr portal.edu.az vasitəsilə tələbə qeydiyyatı prosesini həyata keçirən zaman paralel olaraq təhsil tələbə kreditinə də müraciət edə bilərlər.
Qeyd edək ki, təhsil tələbə kreditləri respublikamızın ərazisində fəaliyyət göstərən təhsil müəssisələrinin ali təhsil pilləsinin bakalavriat və magistratura səviyyələrində, orta ixtisas təhsili pilləsində və peşə təhsili pilləsinin texniki peşə və yüksək texniki peşə təhsili səviyyəsində əyani və ödənişli əsaslarla təhsil alan tələbələr, əvvəlki semestrlər üzrə akademik borcu olmayan, Azərbaycan vətəndaşları üçün nəzərdə tutulub.
Statistikaya əsasən, 2024-2025-ci tədris ilində 21 minə yaxın təhsil tələbə krediti müqaviləsi rəsmiləşdirilib.
