Rəsulzadə adına kitabxana filialının əməkdaşları Novruz bayramı ərəfəsində şəhid Elnur Abdullayevin ailəsini ziyarət ediblər. Bu haqda bu gün, 19 mart tarixində Sumqayıt MKS xəbər verib.
Elnur Abdullayev 1983-cü il iyul ayının 10-da Sumqayıt şəhərində anadan olub. 2011-ci ildə tank-mexanik sürücülük kursunu bitirdikdən sonra hərbi qulluqçu kimi ordu sıralarında xidməti vəzifəsini yerinə yetirməyə başlayıb.
Elnur Vətən Müharibəsi başladığı gündən Füzuli və Xocavənd rayonları istiqamətlərində döyüşüb. O, oktyabrın 27-də Xocavənd istiqamətində gedən döyüşlərdə şəhid olub və Sumqayıt Şəhidlər Xiyabanında dəfn edilib.
Elnur Abdullayev ölümündən sonra "Xocavəndin azad olunmasına görə", "Cəbrayılın azad olunmasına görə", “Füzulinin azad olunmasına görə” və “Vətən uğrunda” medalları ilə təltif olunub.
