Sinqapur pasportu əvvəlki illərdə olduğu kimi, 2026-cı ildə də dünyanın ən güclü pasportu seçilib.
Bu barədə məlumat "The Henley Passport Index" portalında dərc olunan reytinqdə öz əksini tapıb.
Bu reytinqə görə, Sinqapur vətəndaşlarının 192 ölkəyə vizasız getmək imkanı var.
Yaponiya, Cənubi Koreya və Birləşmiş Ərəb Əmirliklərinin pasportları isə 188 ölkəyə vizasız getmək imkanı ilə siyahıda ikinci olublar.
Üçüncü yerə İsveç pasportu sahib olub. Azərbaycan isə siyahıda 70-ci yerdədir. Belə ki, Azərbaycan vətəndaşlarının 67 ölkəyə vizasız getmək imkanı var.
Azərbaycan pasportu ilə vizasız gedə biləcəyimiz ölkələr aşağıdakılardır:
Albaniya, Antiqua və Barbuda, Banqladeş, Barbados, Belarus, Bosniya və Herseqovina, Burundi, Kamboca, Çin, Kolumbiya, Komor adaları, Kuk adaları, Cibuti, Dominika, Ekvador, Esvatini, Gürcüstan, Qrenada, Qvineya-Bisau, Haiti, İndoneziya, İran, Yamayka, İordaniya, Qazaxıstan, Keniya, Qırğızıstan, Laos, Livan, Makao (ÇXR-in xüsusi inzibati rayonu), Madaqaskar, Malavi, Malayziya, Maldiv adaları, Marşall adaları, Mavriki, Mikroneziya, Moldova, Monteneqro, Mərakeş, Mozambik, Namibiya, Nepal, Niue, Palau adaları, Qətər, Rusiya, Ruanda, Samoa, Səudiyyə Ərəbistanı, Serbiya, Seyşel adaları, Şri-Lanka, Sent-Vinsent və Qrenadinlər, Surinam, Suriya, Tacikistan, Tanzaniya, Baham adaları, Şərqi Timor (Timor-Leste), Tuvalu, Türkiyə, Ukrayna, Birləşmiş Ərəb Əmirlikləri, Özbəkistan, Vanuatu, Zimbabve.
