Xəzər dənizinin Sumqayıt ərazisində bir qrup mütəxəssis ekspedisiyada olub. Bu haqda 14 iyul tarixində Sumqayıt24 Elm və Təhsil Nazirliyinin Zoologiya İnstitutuna istinadən məlumat verir.
Ekspedisiyada Elm və Təhsil Nazirliyinin Zoologiya İnstitutunun Hidrobiologiya laboratoriyasının müdiri vəzifəsini icra edən edən dosent Süleyman Süleymanov, böyük elmi işçi Nuriyyə Şamionova, kiçik elmi işçilər - Nigar Mehdiyeva və İntizar Səmədli iştirak ediblər.
Monitorinq zamanı ərazilərin sahilboyu sularında monitorinq işləri aparılaraq ixtioloji və bioloji örtüyə dair nümunələr toplanılıb.
Son illərdə Xəzərdə dəyişilmiş ekoloji şəraitlə bağlı (dəniz səviyyəsinin aşağı düşməsi, güclü çirklənməyə məruz qalması və s.) dənizdə yaşayan balıqların vəziyyətinin qənaətbəxş olmadığı müəyyən edilib.
