Yer kürəsində maqnit qasırğası, təxminən, 30 saatdır davam edir, onun gücü G1 və G2 səviyyələri arasında dəyişir.
Sumqayit24.az xarici KİV-ə istinadən xəbər verir ki, dünən, sentyabrın son günündə, təxminən, saat 3-də (Bakı vaxtı ilə saat 4) başlayan maqnit qasırğası hazırda davam edir. Hadisənin davamlılığı artıq 30 saata çatıb.
Hazırda sahənin böyüklüyü iki dəfə azalıb ki, bu da qasırğanın orta G1-G2 səviyyəsində qalmasına imkan verir.
Qeyd olunub ki, son 24 saat ərzində planetlərarası mühitin parametrləri, əsasən, pisə doğru dəyişib.
Yer kürəsi yaxınlığında Günəş küləyinin sürəti 400 km/s-dən təqribən 700 km/s-ə yüksəlib. Plazmanın temperaturu üç dəfə artıb, 100 000-dən 300 000 dərəcəyə yüksəlib.
Bildirilib ki, ona görə də növbəti 24 saat üçün proqnoz əlverişsiz olaraq qalır.
Yaxın saatlarda qasırğanın "sarı" səviyyəyə qədər zəifləməsi ehtimalına baxmayaraq, həm Günəşdə, həm də Yerətrafı mühitdə vəziyyət şəraitin normallaşması üçün əlverişli deyil. Bundan əlavə, 24 saatlıq proqnoza əsasən, bir çox günlər ərzində ilk dəfə olaraq ulduzda yüksək X sinfinə məxsus partlayışların əmələ gəlməsi ehtimalı 50% olaraq qiymətləndirilir.
