2020-ci il sentyabrın 27-də başlayan Vətən müharibəsindən 6 il ötür.
Həmin tarixdən 44 gün davam edən hərbi əməliyyatlar Azərbaycan tarixində mühüm mərhələ kimi yadda qalıb.
Sumqayit24.az xəbər verir ki, 27 sentyabr 2020-ci ildə Ermənistan silahlı qüvvələrinin Azərbaycan Ordusunun mövqelərinə və yaşayış məntəqələrinə hücumundan sonra əks-hücum əməliyyatı başlayıb. Azərbaycan Ordusu döyüşlər zamanı Cəbrayıl, Füzuli, Zəngilan, Qubadlı və Şuşa şəhərləri də daxil olmaqla 300-dən çox yaşayış məntəqəsini, eləcə də bir sıra strateji yüksəklikləri azad edib.
Noyabrın 8-də Şuşanın azad edilməsindən sonra hərbi əməliyyatların gedişində dönüş yaranıb. Noyabrın 10-da Azərbaycan, Ermənistan və Rusiya arasında üçtərəfli bəyanat imzalanıb. Sənədə əsasən, Ağdam noyabrın 20-də, Kəlbəcər noyabrın 25-də, Laçın isə dekabrın 1-də Azərbaycana qaytarılıb.
Müdafiə Nazirliyinin məlumatına görə, Vətən müharibəsində 2908 hərbi qulluqçu şəhid olub, 6 nəfər isə itkin düşmüş hesab edilir.
2020-ci il dekabrın 2-də Prezident İlham Əliyevin Sərəncamı ilə hər il sentyabrın 27-si Azərbaycanda Anım Günü elan edilib.
Allah bütün şəhidlərimizə rəhmət eləsin!
