Milli Mətbuat Günü ərəfəsində Azərbaycanda jurnalistika ixtisası üzrə məzunların məşğulluq göstəriciləri açıqlanıb.
Dövlət Məşğulluq Agentliyindən verilən məlumata əsasən, ölkədə ali təhsilli məzunların orta hesabla 57,7 faizi işlə təmin olunub. Belə ki, 139 min 236 məzundan 80 min 352 nəfəri əmək bazarında yer alıb.
648 ixtisası əhatə edən statistikada jurnalistika sahəsinə dair göstəricilər də yer alıb. Məlumata görə, son illərdə bu ixtisas üzrə məzunların işlə təmin olunma səviyyəsi təxminən 50 faiz civarında dəyişib.
2023-cü ildə əyani jurnalistika ixtisasını bitirən məzunların 52,5 faizi iş tapa bilib. İngilis dilində tədris olunan jurnalistika proqramı üzrə isə məşğulluq göstəricisi 2018–2023-cü illərdə 40,3 faizdən 59,6 faizə qədər dəyişib. Altı ilin orta göstəricisi isə 53,6 faiz təşkil edib.
Mənbə: Modern.аz
