"Avtovağzal" metrostansiyasının qarşısında avtobuslar üçün aralıq dayanacaq məntəqəsi yaradılıb.
Sumqayit24.az Azərbaycan Yerüstü Nəqliyyat Agentliyinə (AYNA) istinadən xəbər verir ki, sərnişinlərin ödənişsiz fəaliyyət göstərəcək stansiyalardan rahat istifadəsi üçün AYNA tərəfindən bu stansiyalar müntəzəm marşrutlar üçün aralıq dayanacaq məntəqəsi kimi müəyyən edilib.
Sumqayıt şəhəri və Saray qəsəbəsindən gələn 500, 503 və 508 nömrəli marşrut avtobusları "Avtovağzal" stansiyasında ("Piramida" tərəfi) aralıq dayanacağı olaraq saxlayacaq.
Avtobusların Bakı–Sumqayıt yoluna rahat və maneəsiz çıxışı üçün ərazidə xüsusi hərəkət zolağı da təşkil edilib.
Dayanacaq məntəqələri müvafiq nişanlarla işarələnib.
