Sumqayıtlı idmançılar 6 və 7 noyabr tarixində Bakıda keçiriləcək fudokan üzrə çempionatda iştirak edəcəklər. Bu barədə bu gün, 4 noyabr tarixində AZƏRTAC məlumat yayıb.
Paytaxtın "Sərhədçi" Olimpiya İdman Mərkəzində baş tutacaq çempionat Zəfər Gününə həsr edilib. Birincilikdə uşaq, yeniyetmə və gənc fudokançılar mübarizə aparacaqlar.
Sumqayıtdan əlavə çempiontda Bakı, Gəncə, Ağstafa, Cəlilabad, Qobustan, Biləsuvar, Xaçmaz, Sabirabad və digər rayon, şəhərlərdən idmançıların iştirakı gözlənilir.
