Ədliyyə Nazirliyinin Məhkəmə Ekspertizası Mərkəzinin Sumqayıt regional şöbəsində vakant vəzifə üzrə açıq müsabiqə elan edilib.
Sumqayit24.az xəbər verir ki, Ədliyyə Nazirliyi bununla bağlı məlumat yayıb.
Məlumata görə, regional şöbədə ekspert vəzifəsi üzrə vakansiya mövcuddur.
Müsabiqədə iştirak etmək istəyən namizədlərdən inşaat mühəndisliyi, şəhərsalma, memarlıq və ya kimya ixtisasları üzrə ali təhsil tələb olunur.
Göstərilən ixtisaslar üzrə vəzifələrdə işləmək arzusunda olan, "Ədliyyə orqanlarında qulluq keçmə haqqında" Qanunun tələblərinə cavab verən, ali təhsilli, zəruri nəzəri və peşə hazırlığına malik Azərbaycan Respublikasının vətəndaşları müsabiqəyə dəvət olunurlar.
Müraciət edənlər 2026-cı ilin 16 noyabr tarixindən 16 dekabr saat 18:00-dək iş günləri və saatları ərzində müəyyən olunmuş ərizə formasını və digər zəruri sənədləri Ədliyyə Nazirliyinin Məhkəmə Ekspertizası Mərkəzinin Sumqayıt regional şöbəsinə (Sumqayıt şəhəri, Nəriman Nərimanov küçəsi, 29-cu məhəllə, 7/22, tel: (+99451) 695-13-01) təqdim edə bilərlər.
Müsahibədə iştirak etmək üçün qanunvericiliyə əsasən tələb olunan sənədlərin siyahısı və imtahana hazırlıqla bağlı ətraflı məlumatı "Yaddaş kitabçası"ndan əldə etmək mümkündür. Həmçinin bu sənədlər Məhkəmə Ekspertizası Mərkəzinə və onun regional bölmələrinə müraciət edən şəxslərə təqdim olunacaq.
Ətraflı məlumat əldə etmək üçün yuxarıda göstərilən telefon nömrələri ilə əlaqə saxlamaq mümkündür.
