Sumqayıtda dələduzluqda şübhəli bilinən şəxs saxlanılıb.
Sumqayit24.az xəbər verir ki, bu barədə Daxili İşlər Nazirliyi (DİN) məlumat yayıb.
Bir nəfərin dələduzluğa məruz qalması barədə polisə məlumat daxil olub.
Polis əməkdaşlarının keçirdikləri tədbirlərlə əməli törətməkdə şübhəli bilinən 54 yaşlı Ə. Abdullayev saxlanılıb.
Araşdırmalarla həmin şəxsin zərərçəkənin etibarından sui-istifadə edərək onunla şərikli biznes quracağı barədə yalan vədlər verdiyi və onun 20.000 manat pul vəsaitini dələduzluq yolu ilə ələ keçirdiyi məlum olub.
Araşdırma aparılır.
