Sumqayıt şəhərində fəaliyyət göstərən ictimai nəqliyyatdan şikayətlər bitmir.
Sakinlər arasında ən çox narazılıq yaradan marşrut xətlərindən biri 6 nömrəlidir. Sumqayit24.az xəbər verir ki, xətt üzrə hərəkət edən “Karsan” avtobuslarının aztutumlu olması ilə bərabər, aralarındakı interval sərnişin sıxlığına yol açır.
Şikayətçilərin sözlərinə görə, əksər avtobuslarda tay qoşa qapının ancaq biri işləyir, digəri isə məqsədli şəkildə bağlanılır. Hətta bəzi nəqliyyat vasitələrində qapını trosla bağlayıblar ki, açılmasın.
“Yəqin fikirləşirlər ki, kimsə pul ödəməz. Hansı dövrdə yaşayırıq? Bu nə düşüncə və metodlardır?”, - sakinlər narazılıqlarını bildiriblər.
