Bu gün boz ayın Od çərşənbəsidir. Od çərşənbəsi, həmçinin “Üzgü çərşənbə”, “Üzgü axşamı”, “Addı çərşənbə” kimi də tanınır.
Qədimdən od işıqlı gələcək, xeyir və bərəkət rəmzi olub. Bu çərşənbədə tonqallar daha möhtəşəm və hündür yerdə qalanar, bütün el həmin tonqalın başına yığışardı. Odunlar yenicə alışmağa başlayanda qızlar odun şərəfinə nəğmələr söylərdi.
Həmçinin qədimdə od çərşənbəsində qonum-qonşular yasda olan ailənin həyətində tonqal qalar, bununla da o ailəni yasdan çıxarardılar.
Qeyd edək ki, od istilik verən məfhum kimi yox, həmçinin arındırıcı bir varlıq kimi də təsvir edilir. “Suyun yumadığını od təmizlər” ifadəsi bununla bağlıdır.
