Bu gün Vətən müharibəsi şəhidi Saleh Nuriyevin doğum günüdür.
Saleh Səxavət oğlu Nuriyev 18 iyul 2002-ci ildə Sumqayıt şəhərində anadan olub. Onun dayısı Orucov Kamran Niyətulla oğlu məzarsız qəhrəmanlardandır.
Saleh 2008-ci ildə 33 nömrəli tam orta məktəbə daxil olub və 9-cu sinfi bitirdikdən sonra valideynlərinin arzusu ilə Sumqayıt Dövlət Texniki Kollecində 3 illik natamam ali təhsil alıb.
2020-ci il sentyabrın 27-də başlanan Vətən müharibəsi zamanı Saleh Nuriyev Qubadlı və Cəbrayıl döyüşlərində vuruşub. 16 oktyabr 2020-ci ildə Cəbrayıl uğrunda gedən döyüşlərdə qəhrəmancasına şəhid olub. Saleh Nuriyev Sumqayıt Şəhidlər xiyabanında torpağa tapşırılıb.
Nuriyev ölümündən sonra "Cəbrayılın azad olunmasına görə” və "Qubadlının azad olunmasına görə" medalları ilə təltif edilib.
