Azərbaycanda 2025-ci ilin ilk aylarında uşaqlara ən çox verilən oğlan və qız adlarının siyahısı müəyyənləşib.
Trend.аz-ın məlumatına görə, bu barədə Ədliyyə Nazirliyinin adlar üzrə statistikası xəbəri dərc edib.
Bildirilib ki, 2025-ci il yanvarın 1-dən indiyədək 137 oğlana Uğur, 91 qıza isə Nilay adı qoyulub.
Siyahıda oğlan adlarında ikinci sırada Hüseyn (87), üçüncü sırada isə Yusif (86) yer alır.
Qız adlarında isə ikinci sırada Məryəm (87), üçüncü sırada isə Zəhra (81) qeyd edilib.
Xatırladaq ki, ötən il oğlan uşaqlarına ən çox Uğur (1832), qız uşaqlarına isə ən çox Zeynəb (1261) adı qoyulub.
