“RehaBus” (Reabilitasiya Avtobusu) layihəsi çərçivəsində xidmət göstərilən əlilliyi olan şəxslərin sayı açıqlanıb. Bu haqda 26 aprel tarixində Sumqayıt24 Əmək və Əhalinin Sosial Müdafiəsi Nazirliyinə istinadən məlumat verir.
2022-ci ildən icrasına başlanan layihə çərçivəsində 1410 şəxsə xidmət göstərilib. Avtobuslar Bakı və Sumqayıt şəhərləri, Abşeron rayonunda əvvəlcədən təyin edilmiş gözləmə məntəqələrindən əlilliyi olan uşaqları (onları müşayiət edən yaxınları ilə birgə) götürərək Bakı şəhərindəki 2 saylı Uşaq Reabilitasiya Mərkəzinə çatdırır.
Reabilitasiya proseduru bitdikdən sonra isə onlar yenidən geri qaytarılırlar.
