Sumqayıtda bir neçə məktəbdə müxtəlif bəhanələrlə valideynlərdən pul yığılması ilə bağlı iddialar yayılıb.
Bu barədə sosial şəbəkələrdə paylaşım edilib.
Paylaşımda qeyd olunub ki, şəhərdə yerləşən 15 nömrəli məktəbin 5A və 5 nömrəli məktəbin 6Ç siniflərində valideynlərdən pul yığılması tələb olunur.
İddiaya görə, valideyn komitəsinin sədri "WhatsApp" sinif qruplarına pul yığılması ilə bağlı səs yazısı göndərib və pul verməyən valideynlərdən məbləğin müəllim tərəfindən alınacağını bildirib.
Toplanan vəsaitin məktəbin təmiri və digər fond xərcləri üçün nəzərdə tutulduğu bildirilib.
Məsələ ilə bağlı aidiyyəti quruma sorğu ünvanlanıb.
Video: Elşən Teymurov
