Sumqayıt şəhərindən cəmi 2-3 kilometr məsafədə yerləşən "Qurd dərəsi" yaşayış massivinin sakinləri uzun illərdir yol problemindən əziyyət çəkirlər.
Şikayətçilər bildirirlər ki, yolların bərbad vəziyyətdə olması onların gündəlik həyatını ciddi şəkildə çətinləşdirir. 10 mindən çox sakinin yaşadığı yaşayış massivində yolların böyük hissəsi asfaltlanmayıb.
"20 ilə yaxındır burada yaşayırıq. Taksi çağırmaq olmur, təcili yardım gəlmir. Bu yolun bünövrəsi 1982-ci ildə qoyulub. O vaxtdan indiyədək yol çəkilməyib. Hara müraciət ediriksə, "bu gün-sabah" deyib bizi yola verirlər", – deyə sakinlərdən biri bildirib.
Onlar yolun vəziyyətinin avtomobillərə də ciddi ziyan vurduğunu deyirlər:
"Yük maşınını, demək olar ki, hər həftə ustaya aparırıq. Görün minik avtomobilləri bu yollarda nə qədər əziyyət çəkir".
Ətraflı Baku TV-nin süjetində:
