Masazır qəsəbəsində Pakistan vətəndaşı və atasına qarşı törədilmiş ağır cinayətlə bağlı iş yenidən apellyasiya məhkəməsində araşdırılacaq.
Ali Məhkəmə Şri-Lanka vətəndaşlarının kassasiya şikayətini qismən təmin edərək Sumqayıt Apellyasiya Məhkəməsinin qərarını ləğv edib və cinayət işini yeni baxışa göndərib.
Hadisə 2022-ci ilin sentyabrında baş verib. İstintaqa görə, təqsirləndirilən şəxslər Azərbaycanda yaşamaq və işləmək üçün vasitəçilik edən Pakistan vətəndaşını və onun atasını Masazırdakı mənzilə çağıraraq onlara bıçaq və butulka ilə xəsarətlər yetirib, pul və telefonlarını ələ keçiriblər. Daha sonra mənzilə qaz buraxaraq onları bağlı vəziyyətdə qoyub qaçıblar.
Zərərçəkənlər özlərini xilas edərək polisə məlumat veriblər və mümkün faciənin qarşısı alınıb.
Xatırladaq ki, Sumqayıt Ağır Cinayətlər Məhkəməsinin hökmü ilə təqsirləndirilənlərdən ikisi 15 il, biri isə 14 il 9 ay müddətinə azadlıqdan məhrum edilib.
Mənbə: Pravda.аz
