Vətən Müharibəsi Qəhrəmanı, XTQ-nin şəhid baş giziri Mehrab Niftəliyevin qızı, Respublika və Sumqayıt şəhər birincisi Ləman çempion cüdoçularla görüşüb.
Sumqayit24.az xəbər verir ki, görüş Şabran rayonunda keçirilən VII "Qardaşlaşmış Qarabağ Məktəbləri" Qış düşərgəsi çərçivəsində keçirilib.
Burada Azərbaycan Cüdo Federasiyasının vitse-prezidenti, cüdo üzrə Olimpiya və ikiqat Avropa çempionu, dünya çempionatının mükafatçısı Elnur Məmmədli, Azərbaycan Cüdo Veteranları Assosiasiyasının prezidenti, "Judo Club 2012" İctimai Birliyinin sədri Azər Əsgərov, Olimpiya, dünya və dördqat Avropa çempionu Hidayət Heydərov, Avropa çempionları Rüstəm Orucov və Orxan Səfərov, eləcə də digər rəsmi nümayəndələr iştirak ediblər.
Onlar tərəfindən Ləmana kimono hədiyyə olunub. Olimpiya çempionlarından bu hədiyyəni almaq gənc idmançı üçün yadda qalan, unudulmaz anlardan biri olub və görüş zamanı həssas anlar yaşanıb.
