Sumqayıt sakini ilə tanınmış aparıcı Amil Xəlil arasında sosial şəbəkədə mübahisə yaşanıb.
Sumqayit24.az-a müraciət edən Kənan Müzəffərov bildirib ki, mübahisə sosial şəbəkədə bir paylaşımın şərh bölməsində başlayıb. Onun iddiasına görə, Amil Xəlilin yazdığı şərhə cavab verməsindən sonra aparıcı tərəfindən ünvanına təhqiredici ifadələr işlədilib.
Kənan Müzəffərovun sözlərinə görə, yazışma daha sonra şəxsi mesajlarda davam edib. O iddia edir ki, həmin yazışmalar zamanı Amil Xəlil ona qarşı nalayiq ifadələr işlədib və "İP ünvanını" İT xidmətlərinə göndərəcəyini yazıb.
Müraciət edən şəxs həmçinin bildirir ki, məsələni məhkəmə qaydasında həll edəcəyini qeyd etdikdən sonra da yazışmalarda təhqiredici ifadələr yer alıb.
Məsələ ilə bağlı qarşı tərəfin mövqeyini öyrənmək məqsədilə Amil Xəlillə əlaqə saxlanılıb. Aparıcı cavabında bildirib: "Təhqir edib, cavabını alıb".
