"Rus bölmələrində Azərbaycan dilinin dərs saatlarının artması ilə yanaşı hələ gələcəkdə ədəbiyyat dərsləri də Azərbaycan dilində keçiriləcək".
Sumqayit24.az xəbər verir ki, bu sözləri Elm və təhsil naziri Emin Əmrullayev brifinqdə söyləyib.
“Azərbaycan vətəndaşları niyə Səməd Vurğunu, Nəsimini rus dilində öyrənməlidirlər ki? Səməd Vurğunun şeiri elə Azərbaycan dilində öyrənilməlidir. O ki, qaldı Azərbaycan tarixini rus dili bölməsində təhsil alan şagirdlərin öyrənə bilməməsi, burada günah bizdə deyil", – deyə o qeyd edib.
Nazir diqqətə çatdırıb ki, Azərbaycan tarixi bizim milli kimliyimizdir.
