Sumqayıtın icra başçısı Zakir Fərəcov vətəndaşları qəbul edib. Bu haqda 15 mart tarixində Sumqayıt24 ŞİH-yə istinadən məlumat verir.
“Stansiya Sumqayıt” yaşayış massivində baş tutan görüşdə İcra Hakimiyyətinin məsul şəxsləri, idarə, müəssisə və təşkilatlarının rəhbərləri, şəhid ailələri, qazilər və şəhər sakinləri iştirak ediblər.
Şəhər rəhbəri qəbul zamanı hər bir vətəndaşın müraciətini diqqətlə dinləyib, qaldırılan məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verib.
