Sumqayıtda şəhid Bəxtiyar Muradovun mövludu münasibətilə tədbir keçirilib. Sumqayıt24 bu haqda 25 avqust tarixində xəbər verir.
Əvvəlcə şəhidimizin məzarı ziyarət olunub, önünə tər güllər düzülüb, Vətən uğrunda canından keçən qəhrəmanların ruhlarına dualar oxunub.
Tədbirdə şəhid Bəxtiyar Muradovun döyüş yolundan, vətənpərvərliyindən bəhs olunub. Bildirilib ki, o, 2022-ci il sentyabrın 12-si gecə və 13-ü səhər saatlarında Ermənistan silahlı qüvvələrinin Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribatının qarşısını alarkən şəhid olub.
Prezident İlham Əliyevin Sərəncamına əsasən, Bəxtiyar Muradov ölümündən sonra 3-cü dərəcəli "Vətənə xidmətə görə” ordeni və "Vətən uğrunda” medalı ilə təltif edilib.
