Bir müddət öncə məşhur Saray körpüsündə söküntü işlərinə başlanılıb.
Bununla əlaqədar yerli sakinlərin yolları dəyişdirilib. Onlar mənzil başına çatmaq üçün daha çox vaxt sərf etməli olurlar. Elə buna görə də sakinləri maraqlandıran bir sual var: Saray körpüsündə aparılan təmir və tikinti işləri nə vaxt yekunlaşacaq?
Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli Referans.az-a açıqlamasında bildirib ki, hazırda tikinti işləri sürətlə davam edir:
“Artıq körpünün tikinti işləri başlanılıb. Hazırda körpüdə betonlama aparılır. Qısa müddət ərzində çalışılacaq ki, ərazidə bütün işlər yekunlaşdırılsın”.
Qeyd edək ki, Saray körpüsünün aprel ayında tam istifadəyə verilməsi nəzərdə tutulur.
