Saray Modul tipli Vərəm Əleyhinə Xəstəxanasında müalicə alan pasiyentlərin sayı açıqlanıb. Bu haqda 24 aprel tarixində Sumqayıt24 TƏBİB-yə istinadən məlumat verir.
Ötən ilin iyununda istifadəyə verilən tibb müəssisəsində bu günədək 250-dən çox pasiyent müalicə alıb. Fəaliyyət dövrü ərzində buraya 221-i kişi, 34-ü qadın olmaqla, 255 xəstə daxil olub. Onların böyük əksəriyyətinin, yəni 188 nəfərin müalicəsi tam başa çatıb və onlar evə buraxılıblar.
Yarandığı gündən fəaliyyətini uğurla davam etdirən tibb müəssisəsində xəstələr arasında ölüm faktı qeydə alınmayıb.
