2026-cı ildə Sumqayıt Dövlət Universiteti (SDU) üzrə magistraturaya qəbul planı artıb.
Sumqayit24.az Dövlət İmtahan Mərkəzinə istinadən xəbər verir ki, 2025-ci ildə SDU üzrə magistraturaya qəbul planı 370 yer olduğu halda, 2026-cı ildə bu rəqəm 420-yə yüksəlib. Beləliklə, universitet üzrə qəbul planı 50 yer və ya 13,5 faiz artıb.
Ümumilikdə isə Azərbaycanda magistraturaya qəbul planı ötən illə müqayisədə genişləndirilib. Belə ki, 2025-ci ildə ali təhsil müəssisələri üzrə ümumi plan 16.848 yer idisə, 2026-cı ildə bu göstərici 17.688 yerə çatdırılıb. Bu da 840 yer və ya 4,82 faiz artım deməkdir.
Bununla yanaşı, dövlət sifarişi üzrə magistratura planında cüzi azalma qeydə alınıb. Dövlət sifarişi əsasında ayrılan yerlərin sayı ötən illə müqayisədə 62 yer azalaraq 7022 olub.
