"Sumqayıt Texnologiyalar Parkı" MMC (STP) nizamnamə kapitalını daha 7 milyon manat artıraraq 533.47 milyon manata çatdırıb.
Şirkətin kapitalı əvvəlki 526.47 milyon manatdan 533.47 milyon manata yüksəlib. Dəyişiklik 2026-cı il oktyabrın 30-da qeydə alınıb.
STP-nin kapitalı sentyabr ayında da 7.2 milyon manat artırılıb. Beləliklə, son iki ayda şirkətin nizamnamə kapitalı ümumilikdə 14.2 milyon manat və ya 2.7% artıb. Ötən ilin noyabrında bu göstərici 519.27 milyon manat təşkil edirdi.
"Sumqayıt Texnologiyalar Parkı" Azərbaycanın iri sənaye istehsalçılarından biridir. STP Şirkətlər Qrupu 250 hektarlıq ərazidə 30-dan çox istehsalat sahəsi ilə fəaliyyət göstərir və 2 mindən artıq əməkdaşı var. Müəssisələrdə kabel, boru, metal konstruksiyalar və digər sənaye məhsulları istehsal olunur.
Şirkətlər Qrupu məhsullarını Avropa, Rusiya, Türkiyə və Mərkəzi Asiya bazarlarına ixrac edir.
Mənbə: Banker.аz
