Bundan öncə də xəbər verdiyimiz kimi Sumqayıtda hərəkət edən avtobusların kartla ödəniş sisteminə keçidindən sonra bir sıra problemlər yaranmışdır. Məsələ ilə bağlı Sumqayıt Şəhər İcra Hakimiyyətinin başçısı yanında Avtomobil Nəqliyyatı ilə Sərnişindaşıma İdarəsindən Report-a daha bir açıqlama verilib.
Açıqlamada bildirilib ki, pulun kart hesabına oturmaması mümkün deyil, sadəcə gecikmələr ola bilər. Lakin problem təkcə bunda deyil, digər texniki nasazlıqlar da mövcuddur. Hər hansı bir nasazlıq üzə çıxan kimi aradan qaldırılır.
Xatırladaq ki, adıçəkilən İdarənin rəis müavini Tofiq Saydumovun açıqlaması barədə də xəbər vermişdik.
