Sumqayıtlı gənc "Yol hərəkəti qaydaları uşaqların gözü ilə" adlı rəsm müsabiqəsinin qalibi seçilib. Bu haqda bu gün, 30 noyabr tarixində Xeberle.com məlumat yayıb.
Daxili İşlər və Təhsil nazirliklərinin birgə təşkil etdiyi müsabiqədə respublikanın 43 şəhər və rayonundan 335 rəsm əsəri təqdim olunub. Sumqayıt 1 nömrəli Uşaq-Gənclər İnkişaf Mərkəzinin dərnək üzvü Nərgiz Qasımova 1-ci, Qusar şəhər 4 nömrəli tam orta məktəbin şagirdi Azad Əliyev 2-ci, Ağdam Rayon Uşaq-Gənclər İnkişaf Mərkəzinin dərnək üzvü Mahmud Hüseynli isə 3-cü yerin qalibi olaraq seçiliblər.
Tədbiri keçirməkdə məqsəd uşaq və yeniyetmələr arasında yol hərəkəti təhlükəsizliyinə dair bilik və vərdişlərin inkişaf etdirilməsidir.
