Ötən gün Sumqayıt bulvarında dənizdə meyiti aşkarlanan gənclə bağlı yeni təfərrüat məlum olub.
Sumqayit24.az xəbər verir ki, həyatını itirən 21 yaşlı Adil Kərimov Azərbaycan Dövlət İqtisad Universitetinin (UNEC) 4-cü kurs tələbəsi olub. O, universitetin Rəqəmsal İqtisadiyyat fakültəsində təhsil alırdı.
Xatırladaq ki, Adil Kərimov iyulun 13-də saat 23:00 radələrində yaşadığı ünvandan çıxaraq Sumqayıt Bulvarı istiqamətinə yollanmışdı. Həmin vaxtdan etibarən yaxınları onunla əlaqə saxlaya bilməyib. Daha sonra gəncin meyiti tapılıb.
