Abşeron-Xızı Regional Təhsil İdarəsindən Sumqayıt məktəblərindən qız şagirdlərə şalvar qadağası iddiasına cavab verdi.
Qurumun Sumqayit24.az-a verdiyi açıqlamanı təqdim edirik:
"Sumqayıt şəhər 3, 21, 22, 29, 31 nömrəli tam orta ümumtəhsil məktəblərində şagirdlərin şalvarla dərsə buraxılmaması ilə bağlı yayılan məlumatlara əsasən bildiririk ki, Nazirlər Kabinetinin 17 mart 2022-ci il tarixli qərarına əsasən ümumtəhsil müəssisələrində vahid məktəbli forması tətbiq edilir.
Qərara uyğun olaraq adıçəkilən təhsil müəssisələrinin pedaqoji şuraları tərəfindən valideynlərin rəyi nəzərə alınmaqla ağ və tünd göy rənglərindən ibarət olan forma nümunələri seçilib.
Qeyd edirik ki, məktəblərin rəhbərləri tərəfindən qız şagirdlərin məktəbli formasına aid olan şalvardan istifadəsinə etiraz edilmir. Spesifik olaraq həmin məktəblərdə şagird və valideynlərə yalnız qız şagirdlər üçün nəzərdə tutulmuş məktəbli formasına aid şalvardan istifadə tövsiyə olunub.
Eyni zamanda bildiririk ki, vətəndaşların şikayəti yarandığı təqdirdə Abşeron-Xızı Regional Təhsil İdarəsinə müraciət edə bilərlər".
