Sumqayıtda küçələrdən birində aparılan asfaltlanma işləri ilə bağlı şikayət var.
Sumqayit24.az xəbər verir ki, Çerkassı küçəsində bir müddətdir asfaltlanma işləri həyata keçirilir.
Yerli sakinin sözlərinə görə, küçənin yalnız bir hissəsi asfaltlanıb. Yolun digər hissələrində isə müxtəlif yerlərdə çökmələr mövcuddur. Bu isə xüsusilə nəqliyyat vasitələrinin hərəkətində çətinliklər yaradır.
"Bu yol maşınların çoxunu yararsız hala salır, ziyan vurur. Sadəcə 20 metr yerə asfalt vurublar", - deyə sakin etirazını bildirib.
Vətəndaşlar küçədə asfaltlanma işlərinin tam şəkildə aparılmasını tələb edirlər.
