Saray qəsəbəsində fəaliyyət göstərən avtobus dayanacağında antisanitar vəziyyət hökm sürür.
Bu barədə Sumqayit24.az-a yerli sakinlər məlumat veriblər.
Şikayətçilərin sözlərinə görə, "Saray-H" MTK yaşayış kompleksində yerləşən avtobus dayanacağı məişət tullantıları ilə doludur.
Sakinlər bildiriblər ki, dayanacaqdakı bu vəziyyət uzun müddətdir davam edir və tullantıların miqdarı hər gün artır.
"Oturacaqların üstü belə zibillə doludur. Təxminən bir aydır burada vəziyyət belədir. Hər dəfə də zibil çoxalır. Dayanacaq yox, elə bil zibilxanadır", - deyə sakinlər narahatlığını ifadə edib.
