Bakı-Sumqayıt yolunda qayda pozan sürücü qəzaya səbəb olub.
Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Belə ki, 69-BB-151 dövlət nömrə nişanlı “VAZ-2121” (Niva) markalı avtomobilin sürücüsü hərəkətdə olan motosikletə əhəmiyyət vermədən sağa manevr edib və onu sıxışdıraraq vurub. Xoşbəxtlikdən motosiklet sürücüsü idarəetməni itirmədən hərəkətinə davam edib. Qəzanı törədən sürücü isə istiqamətini dəyişərək ayırıcı maneədən sağa keçid edib.
Qeyd edək ki, “Niva” sürücüsü öncədən düzgün zolağı seçməli və zolağın boş olduğuna əmin olduqdan sonra manevr etməli idi. Digər tərəfdən, qanunvericiliyə əsasən, yalnız iki motosiklet, yaxud moped eyni zolaqda yan-yana hərəkət edə bilər. Bu hal digər nəqliyyat vasitələri üçün keçərli deyil.
