Sumqayıt şəhərində suyun xəbərdarlıq edilmədən kəsilməsi narazılıq yaradıb.
Bu barədə Sumqayit24.az-a 17-ci mikrorayon ərazisinin sakinləri məlumat veriblər.
Qeyd olunub ki, bu gün səhər saatlarından binada suyun verilişində xəbərdarlıq edilmədən məhdudiyyət yaranıb.
Sakinlərin sözlərinə görə, suyun kəsilməsi gündəlik məişət işlərində çətinlik yaradıb.
Məsələ ilə bağlı Sumqayit24.az-a İri Şəhərlərin Birləşmiş Su Təchizatı Xidmətindən açıqlama verilib.
"Suyun verilişində yaranan fasilə qəza ilə əlaqədardır, axşam saatlarına qədər suyun verilməsi bərpa ediləcək", - deyə qurumdan bildirilib.
