Sumqayıtda 3 otaqlı fərdi yaşayış evi yanaraq külə dönüb.
Baku TV-nin məlumatına görə, hadisə "BTZ" bağları adlanan ərazidə qeydə alınıb.
İlkin versiyaya əsasən, yanğının qısaqapanma nəticəsində baş verdiyi ehtimal olunur.
Qeyd edək ki, yanğın baş verən evin sakinləri iki yeniyetmədir.
Məlumata görə, onların anaları hazırda məhkumluq həyatı yaşayır, ataları isə ailəni tərk edib. Beləliklə, uşaqlar artıq 3 ildir ki, valideyn nəzarətindən məhrumdurlar.
Qonşuların sözlərinə görə, yeniyetmələrin heç bir sabit gəliri yoxdur və onlara əsasən qonşular dəstək olurlar.
