Sumqayıt Apellyasiya Məhkəməsində xuliqanlıq niyyəti ilə qəsdən sağlamlığa az ağır zərər vurmaqda təqsirləndirilən şəxsin barəsindəki hökmə baxılıb.
Hakim Rəşadət Ağayevin sədrliyi ilə keçirilən prosesdə apellyasiya şikayəti üzrə qərar elan olunub.
Qərara əsasən, cəza təyini hissəsi dəyişdirilib. Xalid Musayevə (adı, soyadı şərtidir) 7 ay 22 gün müddətinə azadlığın məhdudlaşdırılması cəzası təyin edilib və o, azadlığa buraxılıb.
İttihama görə, hadisə 2025-ci ildə saat 03:30 radələrində Qusar rayonunun Atlıxan kəndində baş verib. Xalid Musayev yaşadığı fərdi evinin qarşısında heç bir əsaslı səbəb olmadan xuliqanlıq niyyəti ilə qəfil şəkildə zərərçəkmiş Fariz Umudova (adı, soyadı şərtidir) hücum edib və üz nahiyəsinə qəsdən bir dəfə kəllə zərbəsi vurub. Nəticədə Farizin xəsarət aldığı müəyyən edilib.
Qusar Rayon Məhkəməsinin əvvəlki hökmü ilə Xalid Musayev 11 ay 28 gün müddətinə azadlıqdan məhrum edilib.
Mənbə: Pravda.аz
