Sumqayıt şəhərində qanunsuz küçə ticarətinin qarşısının alınması məqsədilə növbəti reyd keçirilib.
Reyd Sumqayıt Şəhər İcra Hakimiyyəti və Sumqayıt Bələdiyyəsinin əməkdaşlarının birgə iştirakı ilə təşkil olunub.
Tədbir çərçivəsində küçə ticarətinin aparıldığı ərazilərə baxış keçirilib, ərazidə yaranmış antisanitar vəziyyət aradan qaldırılıb və piyadaların sərbəst hərəkəti təmin edilib.
Araşdırma zamanı müəyyən edilib ki, 20 Yanvar küçəsində küçə ticarətinin təşkilinə və bu fəaliyyət üçün şəraitin yaranmasına Səfərli Ticarət Mərkəzi rəhbərliyi tərəfindən imkan yaradılıb. Bununla bağlı ticarət mərkəzinin məsul şəxsinə rəsmi xəbərdarlıq edilib və belə halların təkrarlanmaması tələb olunub.
Qeyd edək ki, Sumqayıtda tez-tez küçə ticarətinə qarşı reydlər keçirilir.
Mənbə: Denaz.Tv
