Sumqayıt şəhərində ümumşəhər bayram tədbiri təşkil olunub.
Sumqayit24.az xəbər verir ki, 31 Dekabr – Dünya Azərbaycanlılarının Həmrəylik Günü və Yeni il münasibətilə təşkil olunan tədbirdə icra başçısı Zakir Fərəcov, millət vəkilləri, hüquq-mühafizə orqanlarının, müəssisə, idarə və təşkilatların rəhbərləri, eləcə də ictimaiyyət nümayəndələri iştirak ediblər.
Zakir Fərəcov qarşıdakı dövrdə Sumqayıtda həyata keçiriləcək layihələr, görülən işlər və əldə olunan nailiyyətlər barədə məlumat verərək, sakinlərə firavan həyat arzulayıb.
Tədbir çərçivəsində şəhərin ictimai həyatında fəal iştirakına görə fərqlənən bir qrup şəxs Sumqayıt Şəhər İcra Hakimiyyətinin fəxri fərmanları ilə təltif olunub.
Bayram tədbiri respublikanın tanınmış incəsənət nümayəndələrinin iştirakı ilə təşkil olunan konsert proqramı ilə davam etdirilib.
