Sumqayıtda qəsəbələrdən birində suyun verilməsi ilə bağlı sakinlər narazılıq edirlər.
Sumqayit24.az-a müraciət edən vətəndaşların sözlərinə görə, problem Hacı Zeynalabdin qəsəbəsinin Dəmiryolu və Şirvan yaşayış massivlərini əhatə edir.
Sakinlərin məlumatına əsasən, Dəmiryolu yaşayış massivində suyun təzyiqi gün ərzində çox aşağı olur.
"Axşam saat 19:00-dan 23:00-dək suyun verilişi dayandırılır. Daha sonra su təxminən bir saat verilir və gecə saat 00:00 radələrində yenidən kəsilir. Verilən su da çox zəif gəlir", - deyə şikayətçi qeyd edib.
Şirvan yaşayış massivinin sakinləri isə təxminən 1 aydır suyun təzyiqinin aşağı olduğunu qeyd ediblər.
Vətəndaşlar aidiyyəti qurumlardan məsələnin araşdırılması və problemin qısa zamanda aradan qaldırılması üçün müvafiq tədbirlərin görülməsini xahiş edirlər.
Məsələ ilə bağlı aidiyyəti quruma sorğu ünvanlanıb.
