Sumqayıtda üç ay əvvəl dünyaya gələn körpə ağır xəstəlikdən sağalıb.
Sumqayit24.az xəbər verir ki, bu barədə jurnalist Elvin Basqallı sosial şəbəkə hesabında paylaşım edib. Onun sözlərinə görə, həyat uğrunda mübarizə aparan körpənin yaşama şansının son dərəcə az olduğu bildirilsə də, həkimlərin peşəkar müdaxiləsi nəticəsində o, xilas olunub.
Körpənin müalicəsində Sumqayıt Perinatal Xəstəxanasının və 5 saylı Uşaq Xəstəxanasının həkimləri xüsusi rol oynayıblar. Onların koordinasiyalı və vaxtında göstərdikləri tibbi yardım nəticəsində vəziyyəti ağır olan körpə həyata qaytarılıb.
Hazırda körpənin evə buraxıldığı bildirilir.
