Sumqayıt şəhərinin "Yaşıl dərə" yaşayış massivində yol və küçə işıqlandırması ilə bağlı problemlər narazılığa səbəb olub.
Sakinlərin sözlərinə görə, uzun müddətdir təmir olunmayan yollar xüsusilə yağışlı havalarda keçilməz vəziyyətə düşür. Küçələrdə yaranan palçıq və gölməçələr həm piyadaların, həm də avtomobillərin hərəkətini çətinləşdirir.
"20 ildir burada yaşayıram. Hər dəfə yolu öz vəsaitimiz hesabına düzəldirik. Yağış yağanda təxminən bir ay buradan keçmək mümkün olmur. Maşınlar xarab olur. Problem o qədər çoxdur ki, adamın ağlamağı gəlir", - deyə sakinlərdən biri qeyd edib.
Onlar problemin həlli üçün dəfələrlə aidiyyəti qurumlara müraciət etdiklərini, lakin nəticə əldə olunmadığını deyirlər.
Məsələ ilə bağlı Sumqayıt Bələdiyyəsindən bildirilib ki, "Yaşıl dərə" yaşayış massivində Səttar Bəhlulzadə küçəsinin təmiri və asfaltlanmasının növbəti illər üzrə tədbirlər planına salınması nəzərdə tutulur.
Ətraflı Baku TV-nin süjetində:
