Saray qəsəbəsində küçə işıqlandırılması ilə bağlı şikayətlər davam etməkdədir.
Sumqayit24.az-a daxil olan məlumata görə, qəsəbənin Yol Patrul Xidməti (YPX) postu tərəfdən giriş hissəsində, Məhəmməd Əmin Rəsulzadə küçəsində işıq dirəkləri olsa da, ərazidə yolun işıqlandırılması təmin edilmir.
Qeyd olunub ki, bu vəziyyət xüsusilə gecə saatlarında piyadaların və avtomobillərin hərəkətində çətinlik yaradır, həmçinin ərazidə qəza riskini artırır.
Sakinlər aidiyyəti qurumlardan əraziyə baxış keçirilməsini və problemin tezliklə aradan qaldırılmasını tələb edirlər.
Qeyd edək ki, redaksiyamız müxtəlif vaxtlarda Saray qəsəbəsinin fərqli ərazilərində küçə işıqlandırılması ilə bağlı şikayətlər işıqlandırıb.
