Sumqayıtda yaşayan ailələr Füzuli şəhərinə köçür. Sumqayıt24 bu haqda 17 avqust tarixində Apa.az-a istinadən xəbər verir.
Avqustun 18-dən Füzuli şəhərinə ilk köç başlayır. İlk olaraq 90 nəfərdən ibarət 23 ailə doğma şəhərinə qayıdacaq. Birinci mərhələdə ümumilikdə 144 ailənin köçürülməsi nəzərdə tutulur.
Qeyd edək ki, Qaçqınların və Məcburi Köçkünlərin İşləri üzrə Dövlət Komitəsi püşkatma keçirib. Püşkatmada 144 ailə (509 nəfər) iştirak edib. Ailə tərkibinə uyğun olaraq, onlardan 51-nə Füzülidə ikiotaqlı, 76-na üçotaqlı, 17-nə dördotaqlı mənzillər verilib.
Həmin ailələr indiyədək Sumqayıt və Bakı şəhərlərində, Abşeron rayonu ərazisində müvəqqəti məskunlaşma yerlərində yaşayıblar.
