Sumqayıtda mikrorayonlardan birində ərazinin hazırkı vəziyyəti ilə bağlı şikayət var.
Sumqayit24.az-a bu barədə sakinlər məlumat veriblər.
Bildirilib ki, 6-cı mikrorayon, H. Salayev küçəsində ağacın budağı səkinin üzərinə əyilib. Vətəndaşların sözlərinə görə, bu vəziyyət piyadaların ərazidə hərəkətini çətinləşdirir.
Bundan əlavə, sözügedən yerdə yerləşən quyunun üzərinin tam təhlükəsiz şəkildə örtülmədiyi qeyd edilib. Bu vəziyyətin piyadalar üçün təhlükə yarada biləcəyi bildirilir.
Sakinlər aidiyyəti qurumlardan əraziyə baxış keçirilməsini və mövcud problemlərin aradan qaldırılmasını xahiş edirlər.
