Sumqayıtda ödənişsiz hüquqi yardım aksiyası keçiriləcək.
Sumqayit24.az xəbər verir ki, aksiya Sahibə Qafarovanın təşəbbüsü ilə Azərbaycan Respublikası Milli Məclisi ilə Azərbaycan Respublikası Vəkillər Kollegiyası arasında qurulan əməkdaşlıq çərçivəsində həyata keçirilən layihə əsasında təşkil olunur.
Aksiya Yeni Azərbaycan Partiyası Sumqayıt şəhər təşkilatının qərargahında (6-cı mikrorayon) baş tutacaq. Tədbir çərçivəsində peşəkar vəkillər tərəfindən həssas qrupdan olan vətəndaşlara, şəhid ailələrinə, qazilərə, yetkinlik yaşına çatmayanlara və aztəminatlı ailələrə ödənişsiz hüquqi yardım göstəriləcək. Vətəndaşlara hüquqi məsələlərlə bağlı şifahi məsləhətlər veriləcək, müxtəlif dövlət və digər qurumlara ünvanlanacaq yazılı müraciətlər və iddia ərizələri hazırlanacaq.
Əlaqə: (055) 747-71-14.
