Dövlət Ekoloji Təhlükəsizlik Xidmətinin və Su Nəqliyyatında Polis İdarəsinin əməkdaşları Sumqayıtda nəzarət tədbirləri keçiriblər.
Sumqayit24.az xəbər verir ki, monitorinq mayın 1-dən ölkə ərazisindəki bütün su hövzələrində balıq ovuna tətbiq edilən moratoriumla əlaqədar qanunsuz balıq ovunun qarşısının alınması, balıq və digər su bioresurslarının ovunda istifadə olunan qanunsuz ov alətlərinin su hövzələrindən yığışdırılması məqsədilə aparılıb.
Nəticədə Xəzər dənizinin Sumqayıt şəhəri akvatoriyasında istifadəsi qadağan ov alətləri aşkar edilərək götürülüb.
Xatırladaq ki, balıqların kürütökmə dövrü ilə əlaqədar ölkə ərazisindəki bütün su hövzələrində balıq ovuna tətbiq edilən moratorium sentyabrın 1-dək davam edəcək.
