Sumqayıt şəhərində 20 Yanvar faciəsinin 36-cı ildönümü ilə əlaqədar anım mərasimi keçirilir.
Sumqayit24.az xəbər verir ki, şəhər sakinləri soyuq və yağan qara baxmayaraq Sumqayıt Şəhidlər xiyabanına üz tutur, şəhidlərin xatirəsini yad edir, məzarları önünə gül dəstələri düzürlər. Sakinlər faciə qurbanlarının ruhuna dualar oxuyur, onların Azərbaycanın müstəqilliyi və azadlığı uğrunda göstərdikləri qəhrəmanlığı minnətdarlıqla xatırlayırlar.
Qeyd edək ki, 20 Yanvar faciəsi Azərbaycan xalqının yaddaşında azadlıq və suverenlik uğrunda mübarizənin qanlı, lakin şərəfli səhifələrindən biri kimi qalır. Bu gün ölkənin müxtəlif bölgələrində olduğu kimi, Sumqayıtda da şəhidlərin xatirəsi ehtiramla anılır.
